Сацыяльная рэклама Міністэрства па падатках і зборах нагадвае: "Уплата падаткаў — ваш унёсак у развіццё горада". На білбордзе з такім надпісам паказаны цэнтр Мінска — плошча Незалежнасці.
Але, як зазначыў у фэйсбуку аршанец Арцём Сізінцаў, гэтая сацыяльная рэклама размешчаная ў цэнтры Оршы. Так што жыхары горада на Віцебшчыне цяпер у роздуме: для развіцця якога горада яны плацяць падаткі — сваёй Оршы ці Мінска.