Кадр з серыяла “Гульня тронаў”
20 траўня (рана раніцай па мінскім часе) выйшаў фінальны эпізод “Гульні тронаў” – самага папулярнага серыяла апошняга дзесяцігоддзя. Сага аб жалезным троне Сямі каралеўстваў змяніла нашы ўяўленні аб серыялах.
У рэдакцыі Еўрарадыё поўна фанатаў “Гульні тронаў”, якія паглядзелі ўжо апошнюю серыю. Цяпер яны сядзяць сярод калег, якія яшчэ не ведаюць, чым скончыўся серыял, і з усіх сіл спрабуюць не спойлерыць. Зразумела, што доўга гэта працягвацца не можа. Таму мы вырашылі пайсці ва-банк і абмеркаваць фінал “Гульні тронаў” у прамым эфіры!
Калі вас таксама распірае ад уражанняў – далучайцеся! Тут, натуральна, ёсць спойлеры. Так што калі вы яшчэ не паглядзелі апошнюю серыю “Гульні тронаў” – трымайцеся ад гэтай старонкі як мага далей!