Нягледзячы на санкцыі Беларусь працягвае экспарт нафтапрадуктаў праз эстонскія порты, піша выданне Eesti Paevaleht.
Спасылаючыся на звесткі Дэпартамента статыстыкі, выданне выданне піша пра рэкордныя аб'ёмы імпарту з Беларусі. "За першыя дзесяць месяцаў гэтага года ў Эстонію паступіла адтуль тавараў амаль на паўмільярда еўра. У асноўным гэта цяжкія нафтапрадукты, такія як мазут, якія ўтвараюць чатыры пятыя імпарту", — адзначаюць у Eesti Paevaleht.
Праз Эстонію нафтапрадукты перавозяцца пераважна чыгункай. Вялікую частку гэтых грузапатокаў абслугоўвае эстонская дзяржкампанія Operail.
Імапрт нафтапрадуктаў з Беларусі ў Еўропу забаронены чацвёртым пакетам санкцыяў з 24 чэрвеня 2021 года.
У лістападзе Дэпартамент статыстыкі паведамляў, што таваразварот паміж Эстоніяй і Беларуссю ў 2021 годзе дасягнуў 464 мільёнаў еўра. Гэта максімальны паказчык аб'ёмаў гандлю паміж краінамі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут