2 траўня аператыўнікі ўпраўлення "К" ГУУС Мінгарвыканкама і Цэнтральнага РУУС затрымалі 37-гадовага мінчука. Мужчына спрабаваў скрасці грошы з банкамата ў сталіцы і быў затрыманы на месцы злачынства. Як паведамляе ў Telegram-канале прэс-служба МУС, здабыча зламысніка склала каля 1400 рублёў.
Паводле інфармацыі аператыўнікаў, раней мужчына працаваў у адным з мінскіх банкаў. Выкарыстоўваючы спецыялізаванае праграмнае забеспячэнне, ён атрымліваў доступ да сістэмы кіравання банкаматам, якая выгружае наяўныя грошы.
Цяпер праваахоўнікі правяраюць, ці не краў мужчына грошы з іншых банкаматаў.
На затрыманага пачалі крымінальную справу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.