Дональд Трамп / Al Drago / POOL / EPA
Адміністрацыя Дональда Трампа заявіла, што распараджэнне федэральнага суддзі часова спыніць будаўніцтва бальнай залы Белага дома коштам 400 млн долараў стварае пагрозу нацыянальнай бяспецы. Юрысты сцвярджаюць, што праект уключае ўмацаваныя канструкцыі, бамбасховішчы і медыцынскі аб’ект, а затрымка работ можа падвергнуць рызыцы прэзідэнта, яго сям’ю і супрацоўнікаў. Каманда Трампа просіць апеляцыйны суд прыпыніць дзеянне гэтага рашэння.
Суддзя Рычард Леон распарадзіўся часова замарозіць праект, у тым ліку знос усходняга крыла Белага дома, адзначыўшы, што без адабрэння Кангрэса прэзідэнт, верагодна, не мае неабходных паўнамоцтваў. Пры гэтым ён даў адміністрацыі 14 дзён на абскарджанне і падкрэсліў, што спыненне работ не пагражае нацыянальнай бяспецы, дазволіўшы працягваць толькі тыя работы, якія непасрэдна звязаныя з бяспекай рэзідэнцыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут