Для наведвання Аб'яднаных Арабскіх Эміратаў беларусам не будуць патрэбны візы. Гэта стала магчымым пасля ўнясення зменаў у міжурадавае пагадненне. Патрэбная яшчэ ратыфікацыя парламентаў, пасля чаго дакумент пачне дзейнічаць праз 30 дзён, інфармуе прэс-служба МЗС Беларусі.
Грамадзянам нашай краіны для наведвання ААЭ трэба будзе мець дзейны нацыянальны пашпарт.