Нацыянальны аэрапорт "Мінск" / Reuters
Славакія забараніла палёты ў сваёй паветранай прасторы і выкарыстанне аэрапортаў краіны самалётам "Белавія". Пра гэта паведаміў на сваёй старонцы ў Twitter славацкі міністр замежных спраў Іван Карчок.
"Гэта адназначны адказ на недапушчальныя дзеянні і парушэнне [міжнародных] правілаў беларускім рэжымам", — адзначыў Іван Карчок.
Акрамя таго, урад Літвы забараніў беларускім авіякампаніям заходзіць у сваю паветраную прастору. Забарона ўступіла у сілу сёння ноччу, паведамляе ТАСС.
Еўрапейскія краіны адна за адной уводзяць забароны на палёты "Белавія" і адмаўляюцца лятаць праз Беларусь пасля інцыдэнту з самалётам ірландскай авіякампаніі Ryanair. Борт ляцеў з Афін у Вільню, але быў вымушаны здзейсніць пасадку ў Мінску. Беларускія дыспетчары паведамілі пілотам пра выбуховае прыстасаванне, якое нібыта знаходзіцца на борце. Міну не знайшлі, але затое затрымалі двух пасажыраў — журналіста Рамана Пратасевіча і яго дзяўчыну Сафію Сапегу. Еўрасоюз асудзіў такія дзеянні і рэкамендаваў перавозчыкам пазбягаць беларускай паветранай прасторы, а таксама закрыць аэрапорты для "Белавія".
За некалькі дзён нацыянальны авіяперавозчык быў вымушаны адмяніць рэйсы ў шэраг еўрапейскіх сталіц, у тым ліку Вільнюс, Кіеў, Лондан, Парыж, Рыгу, Стогкольм, Прагу і іншыя.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут