Былая мадэль Хоўп Хікс стала дырэктарам Белага дома па камунікацыях. На працягу месяца яна выконвала абавязкі, стала чацвёртым чалавекам на гэтай пасадзе з моманту абрання прэзідэнтам ЗША Дональда Трампа.
Як адзначае “Бі-Бі-Сі”, Хоўп Хікс 28 гадоў. Яна ўжо працяглы час з’яўляецца памочніцай Трампа, прычым адной з самых надзейных. Хікс была прэс-сакратаром яго выбарчага штабу. Цяпер жа яе галоўнай задачай будзе фармуляваць тыя сігналы, якія пасылае адміністрацыя.
У мінулым Хоўп Хікс працавала мадэллю ў таго ж Ральфа Ларэна, пасля была прэс-аташэ моднага дома Іванкі Трамп.