Ілля Варламаў / кадр з яго праграмы "ЧП"
Расійскі блогер Ілля Варламаў ужо двойчы прарэкламаваў у сваіх відэа выбары ў беларускую Каардынацыйную раду. Еўрарадыё даведалася, колькі можа каштаваць такая інтэграцыя.
Свежы ролік пра галасаванне на выбарах у КР выйшаў у Варламава ўчора. Ён не адрозніваецца ад папярэдняга, таму ў нас узнікла думка, што блогер рэкламуе наш протапарламент хаця і ад чыстага сэрца, але і не за проста так.
Мы запыталіся пра кошт рэкламы ў прадстаўніка Іллі Варламава. І атрымалі вось такі адказ:
"Інтэграцыя — гэта рэкламны ролік даўжынёй 60-120 секунд, які мы цалкам ствараем паводле вашага брыфу. Кошт інтэграцыі на 37-й хвіліне (трэці слот): $4000.
Бліжэйшы вольны слот у ЧП [назва праграмы Варламава. — Еўрарадыё]: 17-га і 24-га траўня".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут