Кіраўніцтва і служба авіябяспекі “Белавія” правялі працоўныя сустрэчы з кіраўнікамі Міжнароднага аэрапорта Шарм-эль-Шейх, прадстаўнікамі егіпецкіх спецслужбаў, паліцыі і арміі. Падчас сустрэчы былі правераныя працэдуры па даглядзе пасажыраў, транспарта, багажа і ручной паклажы.
Як распавялі Еўрарадыё ў прэс-службе “Белавіі”, на дадзены момант кампанія ў штатным рэжыме будзе працягваць палёты ў Шарм-эль-Шэйх і адмяняць іх у бліжэйшы час не плануецца.
“Белавія будзе выконваць чартарныя рэйсы ў штатным рэжыме”, — паведамілі Еўрарадыё ў кампаніі.
Таксама беларускі бок уводзіць дадатковае інспектаванне палётаў службай бяспекі авіякампаніі. А кожны рэйс будуць суправаджаць супрацоўнікі бяспекі авіякампаніі.
Фота: tvk6.ru/ 24news