5 снежня Беларусь наведае маршалак Сейма Рэспублікі Польшча Станіслаў Карчэўскі. Як паведамілі Еўрарадыё ў прэс-службе Палаты прадстаўнікоў, у гэты ж дзень адбудзецца сустрэча маршалака з беларускім калегам — старшынёй Палаты прадстаўнікоў Уладзімірам Андрэйчанкам.
“Падчас сустрэчы плануецца абмеркаваць актуальныя пытанні міжпарламенцкага супрацоўніцтва”, ― паведамілі ў прэс-службе.