Беларускі дзяржаўны тэхналагічны ўніверсітэт прапаноўвае Таджыкскаму нацыянальнаму ўніверсітэту стварыць сумесны факультэт. Такую ідэю выказаў рэктар БДТУ Ігар Войтаў на сустрэчы з таджыкскімі калегамі.
Як перадае БЕЛТА са спасылкай на прэс-службу БДТУ, у Таджыкістане цяпер будуюцца прадпрыемствы хімічнай і горназдабываючай галінаў, таму ў краіне ўзнік востры дэфіцыт кваліфікаваных кадраў для іх. Каб вырашыць гэтую праблему, Ігар Войтаў прапанаваў у адпаведнасці з дамовай аб супрацоўніцтве паміж ВНУ стварыць сумесны факультэт, на якім будуць рыхтаваць спецыялістаў у галінах нафтахімічнага сінтэзу, пластмасаў (палімерных матэрыялаў), мінеральных угнаенняў і прамысловай экалогіі.
Мяркуецца, што Таджыкскі нацыянальны ўніверсітэт будзе рыхтаваць студэнтаў паводле ўзгодненых з БДТУ навучальных праграмаў цягам першых двух год, а затым студэнты будуць пераходзіць на навучанне ў БДТУ, дзе атрымаюць дыплом беларускай ВНУ.
Падрыхтоўчую частку па стварэнні сумеснага факультэта правядуць да канца 2016 года. БДТУ па безаплатнай аснове дасць таджыкскім калегам тыпавыя і працоўныя навучальныя планы, а таксама стандарты вышэйшай адукацыі па абраных спецыяльнасцях.