Савет Бяспекі ААН / Reuters
З ініцыятывай пашырыць склад Рады Бяспекі ААН плануе выступіць на сесіі Генеральнай Асамблеі ААН прэзідэнт ЗША Джо Байдэн. Пра гэта распавёў каардынатар Белага дома па стратэгічных камунікацыях Джон Кірбі ў інтэрвію The Telegraph. "Я думаю, прэзідэнт Байдэн трохі падрабязней раскажа пра гэта. Мы ясна далі зразумець і лічым, што прыйшоў час падняць пытанне аб структуры Савета Бяспекі", – заявіў Кірбі.
Паводле інфармацыі выдання, у Савеце Бяспекі могуць з'явіцца пяць-шэсць новых пастаянных членаў, у тым ліку Індыя, Бразілія, Германія, Японія, ПАР. Пакуль не ясна, ці будуць яны валодаць правам вета.
Савет Бяспекі ААН, нагадаем, з'яўляецца пастаянна дзеючы органам Арганізацыі Аб'яднаных Нацый. Яго задача — падтрыманне міжнароднага міру і бяспекі. У склад Савета ўваходзяць 15 дзяржаў-членаў — 5 пастаянных і 10 непастаянных. Пастаяннымі ўдзельнікамі з'яўляюцца Кітай, Расія, Вялікабрытанія, ЗША, Францыя. Яны валодаюць правам вета. Непастаянныя члены абіраюцца на двухгадовы тэрмін і па геаграфічным прынцыпе: у Савеце Бяспекі павінны быць прадстаўлены пяць краін-членаў ад дзяржаў Афрыкі і Азіі, адна — ад дзяржаў Усходняй Еўропы, дзве — ад дзяржаў Лацінскай Амерыкі, дзве — ад дзяржаў Заходняй Еўропы і іншых дзяржаў.
Сёлета на месца непастаяннага члена ў Савеце Бяспекі прэтэндавала і Беларусь, але прайграла Славеніі. За Беларусь свае галасы аддалі 38 краін, За Славенію – 153. Для абрання трэба было набраць дзве траціны галасоў ад тых, хто ўдзельнічаў у галасаванні, на той момант — 128 галасоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут