Пасланнік Беларусі на "Еўрабачанні-2018" ALEKSEEV выйдзе на сцэну паўфіналу пад нумарам восем. Аднак самае цікавае, што перад ім і пасля яго выступяць галоўныя фаварыты сёлетняга конкурсу: пад нумарам сем — безумоўная лідарка букмекерскіх кантор ізраільцянка Нэта Барзілай, пад нумарам дзевяць — эстонка Эліна Нячаева.
"Разагрэюць" Мікіту Аляксеева таксама яркія прадстаўнікі Чэхіі і Бельгіі, якія ўваходзяць у пяцёрку наймацнейшых канкурсантаў.
Нядаўна ALEKSEEV прадставіў канчатковую версію сваёй конкурснай песні "Forever", змяніўшы аранжыроўку на больш інтымную і камерную.
Дарэчы, згодна з букмекерамі, шансы патрапіць у фінал у ALEKSEEV не надта высокія: у зборнай табліцы першага паўфіналу Мікіта займае 11 непрахадное месца.