Федэрацыя прафсаюзаў Беларусі выпусціла ўласную кілбасу. Сервелат "Прафсаюзны" робяць на Мёрскім мясакамбінаце, піша сайт praca-by.info.
Кіраўніцтва ФПБ разаслала нізавым арганізацыям ліст, у якім рэкамендуе ўвесці гэты сервелат у меню кожнай сталовай, турбазы і санаторыя.
У лісце адзначаецца, што гэты прадукт мае ""высокія арганалептычныя якасці і прымальную палітыку коштаўтварэння, бо выпускаецца з прадастаўленнем зніжкі "ад вытворцы". Прывабным кілбасу робіць, на думку прафсаюзаў, "пазіцыянаванне беларускага арнаменту і яднанне працоўнага калектыву".