Паўабаронца Аляксандр Глеб афіцыйна дэбютаваў у "Іслачы": 16 жніўня ён паўдзельнічаў у паядынку з "Нёманам" у рамках 18 тура чэмпіянату Беларусі па футболе сярод каманд вышэйшай лігі.
Зорка айчыннага футбола амаль увесь матч прабыла на лаве запасных і выйшла за 6 хвілінаў да канца гульні на замену Сяргея Макарава. Гродзенскія заўзятары віталі Глеба апладысментамі.
Матч скончыўся з лікам 1:1. "Іслач" цяпер займае 4-е месца ў турнірнай табліцы.
Аляксандр Глеб на мінулым тыдні згуляў за "Іслач" таварыскі матч з НФК (экс-"Крумкачамі"). Тады "ваўкі" сціпла перамаглі з лікам 1:0.