Беларуска-польская мяжа / twitter.com/Straz_Graniczna
Супрацоўнікі Падляскага аддзялення Памежнай службы Польшчы на мінулым тыдні затрымалі 37-гадовага грамадзяніна Афганістана. Яго вінавацяць у арганізацыі неўрэгуляванай міграцыі.
Паведамляецца, што мужчына зарабляў на каардынацыі і арганізацыі перавозак мігрантаў праз беларуска-латвійскую мяжу. Пазней гэтых людзей праз Літву дастаўлялі ў Польшчу і вывозілі далей углыб Заходняй Еўропы.
Сам афганец мае від на жыхарства ў Даніі. Яго на два месяцы пасадзілі ў ізалятар у Сувалках і пачалі крымінальную справу аб перадачы ў іншую дзяржаву ЕС.
Ад пачатку года памежнікі польскага Падляшша затрымалі 604 памочнікаў і арганізатараў незаконнага перасячэння мяжы: 519 чалавек былі затрыманыя на польска-беларускай мяжы і 85 — на польска-літоўскай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут