У Жодзіне сутыкнуліся рэйсавы аўтобус, які ехаў у Мінск, і грузавік. Здарэнне адбылося каля 18-й гадзіны 21 сакавіка на праспекце Леніна. Як інфармуе прэс-служба МНС, на момант ДТЗ у аўтобусе "Радзіміч" быў толькі адзін пасажыр (па іншай версіі — 2), ён не пацярпеў. Ратавальнікі дэблакавалі кіроўцу аўтобуса. Мужчына атрымаў траўмы, яго шпіталізавалі.
Сайт abw.by дадае, што аўтааварыя адбылася перад святлафорам. Фура затармазіла, а 27-гадовы кіроўца аўтобуса, відаць, не паспеў зрэагаваць. Мяркуецца, што нешта магло адцягнуць яго ўвагу.